Hjemme alene...

I dag har Bjarte forlatt meg til fordel for ein eldre mann :) Dei skulle til Stavanger og gjere byen utrygg,men eg tenkjer nok han kjem heim att til kvelden når det blir pizza og smågodt så eg bekymrar meg ikkje så veldig.

Imellomtida skal eg kose meg heime aleine. Her skal ryddast,vaskast kler og i tillegg skal eg på besøk til farfar og ein tur til Aksdal. Skulle så gjerne ha laga eit kort også. Lurer på om eg berre skal droppe alt dette,kose meg og drikke kaffe mens eg les avisa.....

Ikkje lette valg dette her altså,hihi... Litt av kvar får det bli.

Det har vore lite scrapping i det siste,men eg er blitt lova eit kjempetreff i slutten av mars og det blir bra! Gler meg til å kunne sitje lenge uten å tenkje på arbeid dagen etter, folk som vil låse og slike ting. Det som står høgast på lista over ting å hugse til det treffet er å skrive ut bilder og ikkje minst hugse å ta med arka. Det klarte eg å gløyma sist.

Med tanke på hagen er eg ikkje heilt i rett modus ennå. I går var det to månader sidan snøen kom og eg kan telje på ei hand dei dagane det har vore over 0 grader. Eg vil ha VÅÅÅÅR!!!
På denne tida i fjor hadde eg sådd,luka litt og så og seie flytta inn i drivhuset for sesongen. Ikkje mykje som ser slik ut i dag.... Men snart er det mars og då tek nok sola bedre tak i snøen og dyttar den tilbake der den kjem i frå. ;)

Sist helg var det kinderegg-søndag,var i allfall det eg hørte det var. Morsdag,valentinsdag og fastelaven på ein gong. Eg fekk gave av Bjarte ,antagelig mest fordi eg hadde masa sånn om eit slikt fat. men fint var det uansett grunn. Så nå blir alt servert i etasjar hjå oss....

Nei,eg får vel byrje på "to-do-lista" mi då i plassen for å sitje her ved datan og fjase.

God helg til alle!!! Nokon som skal noko kjekt?


Fatet eg fekk av Bjarte med snop og
druer på.